milti hai zindagi mein mohabbat kabhi kabhi
miltī hai zindagī meñ mohabbat kabhī kabhī
hotī hai dilbaroñ kī ināyat kabhī kabhī
sharmā ke muñh na pher nazar ke savāl par
laatī hai aise moḌ pe qismat kabhī kabhī
khulte nahīñ haiñ roz darīche bahār ke
aatī hai jān-e-man ye qayāmat kabhī kabhī
tanhā na kaT sakeñge javānī ke rāste
pesh aa.egī kisī kī zarūrat kabhī kabhī
phir kho na jaa.eñ ham kahīñ duniyā kī bhiiḌ meñ
miltī hai paas aane kī mohlat kabhī kabhī
milti hai zindagi mein mohabbat kabhi kabhi
hoti hai dilbaron ki inayat kabhi kabhi
sharma ke munh na pher nazar ke sawal par
lati hai aise moD pe qismat kabhi kabhi
khulte nahin hain roz dariche bahaar ke
aati hai jaan-e-man ye qayamat kabhi kabhi
tanha na kaT sakenge jawani ke raste
pesh aaegi kisi ki zarurat kabhi kabhi
phir kho na jaen hum kahin duniya ki bhiD mein
milti hai pas aane ki mohlat kabhi kabhi
- Book : Kulliyat-e-Sahir Ludhianvi (Pg. 308)
- Author : SAHIR LUDHIANVI
- Publication : Farid Book Depot (Pvt.) Ltd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
