minnat samajat aur madarat ke baad bhi

minnat samājat aur madārat ke baad bhī

nārāz haiñ vo merī vazāhat ke baad bhī

zinda the jitne ḳhilqat-e-avval se pahle log

zinda raheñge itne qayāmat ke baad bhī

kaisī ajiib mushkileñ haiñ jo mire murīd

mere muqāble pe haiñ bai'at ke baad bhī

ham se ḳhatā huī hai koī kyā batā.iye

milte nahīñ haiñ aap to fursat ke baad bhī

nok-e-sināñ pe kar ke tilāvat batā diyā

bai'at na le sakoge shahādat ke baad bhī

merī shikast merī samajh se hai māvarā

ahbāb-e-anjuman kī himāyat ke baad bhī

maiñ ne kahā suno zarā us ne kahā kaho

kuchh kah na paayā itnī ijāzat ke baad bhī

minnat samajat aur madarat ke baad bhi

naraaz hain wo meri wazahat ke baad bhi

zinda the jitne KHilqat-e-awwal se pahle log

zinda rahenge itne qayamat ke baad bhi

kaisi ajib mushkilen hain jo mere murid

mere muqable pe hain bai'at ke baad bhi

hum se KHata hui hai koi kya bataiye

milte nahin hain aap to fursat ke baad bhi

nok-e-sinan pe kar ke tilawat bata diya

bai'at na le sakoge shahadat ke baad bhi

meri shikast meri samajh se hai mawara

ahbab-e-anjuman ki himayat ke baad bhi

main ne kaha suno zara us ne kaha kaho

kuchh kah na paya itni ijazat ke baad bhi