ye tark ho ke KHashin kaj agar kulah karen

ye tark ho ke ḳhashin kaj agar kulāh kareñ

to bul-havas na kabhū chashm ko siyāh kareñ

tumheñ bhī chāhiye hai kuchh to paas chāhat kā

ham apnī aur se yuuñ kab talak nibāh kareñ

rakhā hai apne ta.iiñ rok rok kar varna

siyāh kar deñ zamāne ko ham jo aah kareñ

jo us kī aur ko jaanā mile to ham bhī za'īf

hazār sajde har ik gaam sarbarāh kareñ

havā-e-mai-kada ye hai to faut-e-vaqt hai zulm

namāz chhoḌ deñ ab koī din gunāh kareñ

hamesha kaun takalluf hai ḳhūb-rūyoñ kā

guzār naaz se īdhar bhī gaah gaah kareñ

agar uTheñge isī haal se to kahiyo tū

jo roz-e-hashr tujhī ko na uzr-ḳhvāh kareñ

burī balā haiñ sitam-kushta-e-mohabbat ham

jo teġh barse to sar ko na kuchh panāh kareñ

agarche sahl haiñ par dīdanī haiñ ham bhī 'mīr'

udhar ko yaar ta.ammul se gar nigāh kareñ

ye tark ho ke KHashin kaj agar kulah karen

to bul-hawas na kabhu chashm ko siyah karen

tumhein bhi chahiye hai kuchh to pas chahat ka

hum apni aur se yun kab talak nibah karen

rakha hai apne tain rok rok kar warna

siyah kar den zamane ko hum jo aah karen

jo us ki aur ko jaana mile to hum bhi za'if

hazar sajde har ek gam sarbarah karen

hawa-e-mai-kada ye hai to faut-e-waqt hai zulm

namaz chhoD den ab koi din gunah karen

hamesha kaun takalluf hai KHub-ruyon ka

guzar naz se idhar bhi gah gah karen

agar uThenge isi haal se to kahiyo tu

jo roz-e-hashr tujhi ko na uzr-KHwah karen

buri bala hain sitam-kushta-e-mohabbat hum

jo tegh barse to sar ko na kuchh panah karen

agarche sahl hain par didani hain hum bhi 'mir'

udhar ko yar tammul se gar nigah karen