ab aankhon mein KHun dam-ba-dam dekhte hain
ab āñkhoñ meñ ḳhuuñ dam-ba-dam dekhte haiñ
na pūchho jo kuchh rañg ham dekhte haiñ
jo be-aḳhtyārī yahī hai to qāsid
hamīñ aa ke us ke qadam dekhte haiñ
gahe daaġh rahtā hai dil gā jigar ḳhuuñ
un āñkhoñ se kyā kyā sitam dekhte haiñ
agar jaan āñkhoñ meñ us bin hai to ham
abhī aur bhī koī dam dekhte haiñ
likheñ haal kyā us ko hairat se ham to
gahe kāġhaz o gah qalam dekhte haiñ
vafā-peshgī qais tak thī bhī kuchh kuchh
ab us taur ke log kam dekhte haiñ
kahāñ tak bhalā ro.o.ge 'mīr'-sāhib
ab āñkhoñ ke gird ik varam dekhte haiñ
ab aankhon mein KHun dam-ba-dam dekhte hain
na puchho jo kuchh rang hum dekhte hain
jo be-aKHtyari yahi hai to qasid
hamin aa ke us ke qadam dekhte hain
gahe dagh rahta hai dil ga jigar KHun
un aankhon se kya kya sitam dekhte hain
agar jaan aankhon mein us bin hai to hum
abhi aur bhi koi dam dekhte hain
likhen haal kya us ko hairat se hum to
gahe kaghaz o gah qalam dekhte hain
wafa-peshgi qais tak thi bhi kuchh kuchh
ab us taur ke log kam dekhte hain
kahan tak bhala rooge 'mir'-sahib
ab aankhon ke gird ek waram dekhte hain
- Book : MIRIYAAT - Diwan No- 1, Ghazal No- 0322
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
