ramaq ek jaan-e-wabaal hai koi dam jo hai to azab hai

ramaq ek jān-e-vabāl hai koī dam jo hai to azaab hai

dil-e-dāġh gashta kabāb hai jigar gudāḳhta aab hai

mirī ḳhalq mahv-e-kalām sab mujhe chhoḌte haiñ ḳhamosh kab

mirā harf rashk-e-kitāb hai marī baat likhne kā baab hai

jo vo likhtā kuchh bhī to nāma-bar koī rahtī muñh meñ tire nihāñ

tirī ḳhāmushī se ye nikle hai ki javāb ḳhat kā javāb hai

rahe haal dil kā jo ek sā to rujūa karte kahīñ bhalā

so tū ye kabhū hama daaġh hai kabhū nīm-soz kabāb hai

kaheñge kaho tumheñ log kyā yahī aarsī yahī tum sadā

na kaso kī tum ko hai Tak hayā na hamāre muñh se hijāb hai

chalo mai-kade meñ basar kareñ ki rahī hai kuchh barakat vahīñ

lab-e-nā-tovāñ kā kabāb hai dam-e-ābvāñ kā sharāb hai

nahīñ khultīñ āñkheñ tumhārī Tak ki ma.aal par bhī nazar karo

ye jo vahm kī sī numūd hai use ḳhuub dekho to ḳhvāb hai

ga.e vaqt aate haiñ haath kab hue haiñ gañvā ke ḳharāb sab

tujhe karnā hove so kar tū ab ki ye umr barq-e-shattāb hai

kabhū lutf se na suḳhan kyā kabhū baat kah na lagā liyā

yahī lahza lahza ḳhitāb hai vahī lamha lamha itaab hai

tū jahāñ ke bahr-e-amīq meñ sar par huā na buland kar

ki ye panj-roza jo buud hai kaso mauj-e-pur kā habāb hai

rakho aarzū mai-e-ḳhām kī karo guftugū ḳhat-e-jām kī

ki siyāh caroñ se hashr meñ na hisāb hai na kitāb hai

mirā shor sun ke jo logoñ ne kiyā pūchhnā tū kahe hai kyā

jise 'mīr' kahte haiñ sāhibo ye vahī to ḳhāna-ḳharāb hai

ramaq ek jaan-e-wabaal hai koi dam jo hai to azab hai

dil-e-dagh gashta kabab hai jigar gudaKHta aab hai

meri KHalq mahw-e-kalam sab mujhe chhoDte hain KHamosh kab

mera harf rashk-e-kitab hai mari baat likhne ka bab hai

jo wo likhta kuchh bhi to nama-bar koi rahti munh mein tere nihan

teri KHamushi se ye nikle hai ki jawab KHat ka jawab hai

rahe haal dil ka jo ek sa to rujua karte kahin bhala

so tu ye kabhu hama dagh hai kabhu nim-soz kabab hai

kahenge kaho tumhein log kya yahi aarsi yahi tum sada

na kaso ki tum ko hai Tak haya na hamare munh se hijab hai

chalo mai-kade mein basar karen ki rahi hai kuchh barakat wahin

lab-e-na-towan ka kabab hai dam-e-abwan ka sharab hai

nahin khultin aankhen tumhaari Tak ki maal par bhi nazar karo

ye jo wahm ki si numud hai use KHub dekho to KHwab hai

gae waqt aate hain hath kab hue hain ganwa ke KHarab sab

tujhe karna howe so kar tu ab ki ye umr barq-e-shattab hai

kabhu lutf se na suKHan kya kabhu baat kah na laga liya

yahi lahza lahza KHitab hai wahi lamha lamha itab hai

tu jahan ke bahr-e-amiq mein sar par hua na buland kar

ki ye panj-roza jo bud hai kaso mauj-e-pur ka habab hai

rakho aarzu mai-e-KHam ki karo guftugu KHat-e-jam ki

ki siyah caron se hashr mein na hisab hai na kitab hai

mera shor sun ke jo logon ne kiya puchhna tu kahe hai kya

jise 'mir' kahte hain sahibo ye wahi to KHana-KHarab hai