sina hai chaak-e-jigar para hai dil sab KHun hai

siina hai chāk-e-jigar paara hai dil sab ḳhuuñ hai

tis pe ye jān-ba-lab āmada bhī mahzūñ hai

us se āñkhoñ ko milā jī meñ rahe kyūñkar taab

chashm-e-e.ajāz-e-mizha sahar-e-nigah-e-afsūñ hai

aah ye rasm-e-vafā hove bar-uftād kahīñ

is sitam par bhī mirā dil usī kā mamnūñ hai

kabhū is dasht se uThtā hai jo ek abr tanik

gard-e-namnāk pareshāñ shuda-e-majnūñ hai

kyūñke be-bāda lab-e-jū pe chaman meñ rahiye

aks-e-gul aab meñ taklīf-e-mai-e-gul-gūñ hai

paar bhī ho na kaleje ke to phir kyā bulbul

misra-nāla jigar-kāvī hai go mauzūñ hai

shahr kitnā jo koī un meñ sarishk-e-afshāñ ho

rū-kash-e-giryā-e-ġham hausla-e-hamūñ hai

ḳhuun har yak raqam shauq se Tapke thā vale

vo na samjhā ki mire naame kā kyā mazmūñ hai

'mīr' kī baat pe har vaqt ye jhunjhlāyā na kar

saḌī hai ḳhabtī hai vo shefta hai majnūñ hai

sina hai chaak-e-jigar para hai dil sab KHun hai

tis pe ye jaan-ba-lab aamada bhi mahzun hai

us se aankhon ko mila ji mein rahe kyunkar tab

chashm-e-eajaz-e-mizha sahar-e-nigah-e-afsun hai

aah ye rasm-e-wafa howe bar-uftad kahin

is sitam par bhi mera dil usi ka mamnun hai

kabhu is dasht se uThta hai jo ek abr tanik

gard-e-namnak pareshan shuda-e-majnun hai

kyunke be-baada lab-e-ju pe chaman mein rahiye

aks-e-gul aab mein taklif-e-mai-e-gul-gun hai

par bhi ho na kaleje ke to phir kya bulbul

misra-nala jigar-kawi hai go mauzun hai

shahr kitna jo koi un mein sarishk-e-afshan ho

ru-kash-e-girya-e-gham hausla-e-hamun hai

KHun har yak raqam shauq se Tapke tha wale

wo na samjha ki mere name ka kya mazmun hai

'mir' ki baat pe har waqt ye jhunjhlaya na kar

saDi hai KHabti hai wo shefta hai majnun hai