ghamze ne uske chori mein dil ki hunar kiya

ġhamze ne us ke chorī meñ dil kī hunar kiyā

us ḳhānumāñ-ḳharāb ne āñkhoñ meñ ghar kiyā

rañg uḌ chalā chaman meñ guloñ kā to kyā nasīm

ham ko to rozgār ne be-bāl-o-par kiyā

naafe jo thiiñ mizāj ko avval so ishq meñ

āḳhir unhīñ davāoñ ne ham ko zarar kiyā

martā huuñ jaan deñ haiñ vatan-dāriyoñ pe log

aur sunte jaate haiñ ki har ik ne safar kiyā

kyā jānūñ bazm-e-aish ki saaqī kī chashm dekh

maiñ sohbat-e-sharāb se aage safar kiyā

jis dam ki teġh-e-ishq khiñchī bul-havas kahāñ

sun lījiyo ki ham hī ne sīna-sipar kiyā

dil zaḳhmī ho ke tujh ta.iiñ pahuñchā to kam nahīñ

is nīm-kushta ne bhī qayāmat jigar kiyā

hai kaun aap meñ jo mile tujh se mast naaz

zauq-e-ḳhabar hī ne to hameñ be-ḳhabar kyā

vo dasht-e-ḳhaufnāk rahā hai mirā vatan

sun kar jise ḳhizr ne safar se hazar kiyā

kuchh kam nahīñ haiñ sho.abda-bāzoñ se mai-gusār

daarū pilā ke shaiḳh ko aadam se ḳhar kiyā

haiñ chāroñ taraf ḳheme khaḌe gard-bād ke

kyā jāniye junūñ ne irāda kidhar kiyā

luknat tirī zabān kī hai sahar jis se shoḳh

yak harf-e-nīm-gufta ne dil par asar kiyā

be-sharm mahz hai vo gunahgār jin ne 'mīr'

abr-e-karam ke sāmne dāmāñ tar kiyā

ghamze ne us ke chori mein dil ki hunar kiya

us KHanuman-KHarab ne aankhon mein ghar kiya

rang uD chala chaman mein gulon ka to kya nasim

hum ko to rozgar ne be-baal-o-par kiya

nafe jo thin mizaj ko awwal so ishq mein

aaKHir unhin dawaon ne hum ko zarar kiya

marta hun jaan den hain watan-dariyon pe log

aur sunte jate hain ki har ek ne safar kiya

kya jaanun bazm-e-aish ki saqi ki chashm dekh

main sohbat-e-sharab se aage safar kiya

jis dam ki tegh-e-ishq khinchi bul-hawas kahan

sun lijiyo ki hum hi ne sina-sipar kiya

dil zaKHmi ho ke tujh tain pahuncha to kam nahin

is nim-kushta ne bhi qayamat jigar kiya

hai kaun aap mein jo mile tujh se mast naz

zauq-e-KHabar hi ne to hamein be-KHabar kya

wo dasht-e-KHaufnak raha hai mera watan

sun kar jise KHizr ne safar se hazar kiya

kuchh kam nahin hain shoabda-bazon se mai-gusar

daru pila ke shaiKH ko aadam se KHar kiya

hain chaaron taraf KHeme khaDe gard-baad ke

kya jaaniye junun ne irada kidhar kiya

luknat teri zaban ki hai sahar jis se shoKH

yak harf-e-nim-gufta ne dil par asar kiya

be-sharm mahz hai wo gunahgar jin ne 'mir'

abr-e-karam ke samne daman tar kiya