dil pahuncha halaki ko nipaT khinch kasala

dil pahuñchā halākī ko nipaT khīñch kasālā

le yaar mire sallamahū allāh-ta.ālā

kuchh maiñ nahīñ us dil kī pareshānī kā bā'is

barham hī mire haath lagā thā ye risālā

ma'amūr sharāboñ se kabāboñ se hai sab dair

masjid meñ hai kyā shaiḳh piyāla na nivālā

guzre hai lahū vaañ sar har ḳhaar se ab tak

jis dasht meñ phūTā hai mire paañv kā chhālā

gar qasd udhar kā hai to Tak dekh ke aanā

ye der hai zahād na ho ḳhāna-e-ḳhālā

jis ghar meñ tire jalve se ho chāñdnī kā farsh

vaañ chādar mahtāb hai makḌī kā sā jaalā

dushman na kudūrat se mire sāmne ho jo

talvār ke laḌne ko mire kiijo havāla

nāmūs mujhe saafī tīnat kī hai varna

rustam ne mirī teġh kā hamla na sambhālā

dekhe hai mujhe dīda-e-pur-ḳhashm se vo 'mīr'

mere hī nasīboñ meñ thā ye zahr kā pyālā

dil pahuncha halaki ko nipaT khinch kasala

le yar mere sallamahu allah-taala

kuchh main nahin us dil ki pareshani ka ba'is

barham hi mere hath laga tha ye risala

ma'amur sharabon se kababon se hai sab dair

masjid mein hai kya shaiKH piyala na niwala

guzre hai lahu wan sar har KHar se ab tak

jis dasht mein phuTa hai mere panw ka chhaala

gar qasd udhar ka hai to Tak dekh ke aana

ye der hai zahad na ho KHana-e-KHala

jis ghar mein tere jalwe se ho chandni ka farsh

wan chadar mahtab hai makDi ka sa jala

dushman na kudurat se mere samne ho jo

talwar ke laDne ko mere kijo hawala

namus mujhe safi tinat ki hai warna

rustam ne meri tegh ka hamla na sambhaala

dekhe hai mujhe dida-e-pur-KHashm se wo 'mir'

mere hi nasibon mein tha ye zahr ka pyala