chori mein dil ki wo hunar kar gaya

chorī meñ dil kī vo hunar kar gayā

dekhte hī āñkhoñ meñ ghar kar gayā

dahr meñ maiñ ḳhāk-basar hī rahā

umr ko is taur basar kar gayā

dil nahīñ hai manzil-e-sīna meñ ab

yaañ se vo bechāra safar kar gayā

haif jo vo nusḳha-e-dil ke upar

sarsarī sī ek nazar kar gayā

kis ko mire haal se thī āgahī

nāla-e-shab sab ko ḳhabar kar gayā

go na chalā tā-mizha-e-tīr-e-nigah

apne jigar se tū guzar kar gayā

majlis-e-āfāq meñ parvāna saañ

'mīr' bhī shaam apnī sahar kar gayā

chori mein dil ki wo hunar kar gaya

dekhte hi aankhon mein ghar kar gaya

dahr mein main KHak-basar hi raha

umr ko is taur basar kar gaya

dil nahin hai manzil-e-sina mein ab

yan se wo bechaara safar kar gaya

haif jo wo nusKHa-e-dil ke upar

sarsari si ek nazar kar gaya

kis ko mere haal se thi aagahi

nala-e-shab sab ko KHabar kar gaya

go na chala ta-mizha-e-tir-e-nigah

apne jigar se tu guzar kar gaya

majlis-e-afaq mein parwana san

'mir' bhi sham apni sahar kar gaya