dil jo zer-e-ghubar aksar tha

dil jo zer-e-ġhubār aksar thā

kuchh mizāj in dinoñ mukaddar thā

is pe takiya kiyā to thā lekin

rāt-din ham the aur bistar thā

sarsarī tum jahāñ se guzre

varna har jā jahān-e-dīgar thā

dil kī kuchh qadr karte rahiyo tum

ye hamārā bhī nāz-parvar thā

baa'd yak 'umr jo huā mā'lūm

dil us ā.īna-rū kā patthar thā

baare sajda adā kiyā tah-e-teġh

kab se ye bojh mere sar par thā

kyuuñ na abr-e-siyah safed havā

jab talak ahd-e-dīda-e-tar thā

ab ḳharāba huā jahānābād

varna har ik qadam pe yaañ ghar thā

be-zarī kā na kar gilā ġhāfil

rah tasallī ki yuuñ muqaddar thā

itne mun.im jahān meñ guzre

vaqt rehlat ke kis kane zar thā

sāhib-e-jāh-o-shakat-o-iqbāl

ik azaañ jumla ab sikandar thā

thī ye sab kā.enāt zer-e-nagīñ

saath mor-o-malaḳh sā lashkar thā

la.al-o-yāqūt ham zar-o-gauhar

chāhiye jis qadar mayassar thā

āḳhir-e-kār jab jahāñ se gayā

haath ḳhālī kafan se bāhar thā

'aib tūl-e-kalām mat kariyo

kyā karūñ maiñ suḳhan se ḳhūgar thā

ḳhush rahā jab talak rahā jiitā

'mīr' mā'lūm hai qalandar thā

dil jo zer-e-ghubar aksar tha

kuchh mizaj in dinon mukaddar tha

is pe takiya kiya to tha lekin

raat-din hum the aur bistar tha

sarsari tum jahan se guzre

warna har ja jahan-e-digar tha

dil ki kuchh qadr karte rahiyo tum

ye hamara bhi naz-parwar tha

ba'd yak 'umr jo hua ma'lum

dil us aaina-ru ka patthar tha

bare sajda ada kiya tah-e-tegh

kab se ye bojh mere sar par tha

kyun na abr-e-siyah safed hawa

jab talak ahd-e-dida-e-tar tha

ab KHaraba hua jahanabaad

warna har ek qadam pe yan ghar tha

be-zari ka na kar gila ghafil

rah tasalli ki yun muqaddar tha

itne munim jahan mein guzre

waqt rehlat ke kis kane zar tha

sahib-e-jah-o-shakat-o-iqbaal

ek azan jumla ab sikandar tha

thi ye sab kaenat zer-e-nagin

sath mor-o-malaKH sa lashkar tha

lal-o-yaqut hum zar-o-gauhar

chahiye jis qadar mayassar tha

aaKHir-e-kar jab jahan se gaya

hath KHali kafan se bahar tha

'aib tul-e-kalam mat kariyo

kya karun main suKHan se KHugar tha

KHush raha jab talak raha jita

'mir' ma'lum hai qalandar tha