kya din the we ki yan bhi dil aarmida tha

kyā din the ve ki yaañ bhī dil ārmīda thā

rū-āshiyāñ tā.ir-e-rañg-parīda thā

qāsid jo vaañ se aayā to sharminda maiñ huā

bechāra girya-nāk garebāñ darīda thā

ik vaqt ham ko thā sar-e-girya ki dasht meñ

jo ḳhaar ḳhushk thā sau vo tūfāñ rasīda thā

jis said-gāh-e-ishq meñ yāroñ kā jī gayā

marg us shikār-gah kā shikār ramīda thā

korī chashm kyuuñ na ziyārat ko us kī aa.e

yūsuf sā jis ko madd-e-nazar nūr-dīda thā

afsos marg sabr hai is vāste ki vo

gul-hā-e-bāġh ishrat-e-duniyā nachīdā thā

mat pūchh kis tarah se kaTī raat hijr kī

har naala merī jaan ko teġh kashīda thā

hāsil na pūchh gulshan-e-mash.had kā bul-havas

yaañ phal har ik daraḳht kā halq-e-burīda thā

dil-e-be-qarār girya-e-ḳhūnīñ thā raat 'mīr'

aayā nazar to bismil dar-e-ḳhūñ tapīda thā

kya din the we ki yan bhi dil aarmida tha

ru-ashiyan tair-e-rang-parida tha

qasid jo wan se aaya to sharminda main hua

bechaara girya-nak gareban darida tha

ek waqt hum ko tha sar-e-girya ki dasht mein

jo KHar KHushk tha sau wo tufan rasida tha

jis said-gah-e-ishq mein yaron ka ji gaya

marg us shikar-gah ka shikar ramida tha

kori chashm kyun na ziyarat ko us ki aae

yusuf sa jis ko madd-e-nazar nur-dida tha

afsos marg sabr hai is waste ki wo

gul-ha-e-bagh ishrat-e-duniya nachida tha

mat puchh kis tarah se kaTi raat hijr ki

har nala meri jaan ko tegh kashida tha

hasil na puchh gulshan-e-mashhad ka bul-hawas

yan phal har ek daraKHt ka halq-e-burida tha

dil-e-be-qarar girya-e-KHunin tha raat 'mir'

aaya nazar to bismil dar-e-KHun tapida tha