kya kahen apni uski shab ki baat

kyā kaheñ apnī us kī shab kī baat

kahiye hove jo kuchh bhī Dhab kī baat

ab to chup lag ga.ī hai hairat se

phir khulegī zabān jab kī baat

nukta-dānān-e-rafta kī na kaho

baat vo hai jo hove ab kī baat

kis kā rū-e-suḳhan nahīñ hai udhar

hai nazar meñ hamārī sab kī baat

zulm hai qahr hai qayāmat hai

ġhusse meñ us ke zer-e-lab kī baat

kahte haiñ aage thā butoñ meñ rahm

hai ḳhudā jāniye ye kab kī baat

go ki ātish-zabāñ the aage 'mīr'

ab kī kahiye ga.ī vo tab kī baat

kya kahen apni us ki shab ki baat

kahiye howe jo kuchh bhi Dhab ki baat

ab to chup lag gai hai hairat se

phir khulegi zaban jab ki baat

nukta-danan-e-rafta ki na kaho

baat wo hai jo howe ab ki baat

kis ka ru-e-suKHan nahin hai udhar

hai nazar mein hamari sab ki baat

zulm hai qahr hai qayamat hai

ghusse mein us ke zer-e-lab ki baat

kahte hain aage tha buton mein rahm

hai KHuda jaaniye ye kab ki baat

go ki aatish-zaban the aage 'mir'

ab ki kahiye gai wo tab ki baat