ai abr-e-tar tu aur kisi samt ko baras

ai abr-e-tar tū aur kisī samt ko baras

is mulk meñ hamārī hai ye chashm-e-tar hī bas

hirmāñ to dekh phuul bikhere thī kal sabā

ik barg-e-gul girā na jahāñ thā mirā qafas

mizhgāñ bhī bah ga.iiñ mire rone se chashm kī

sailāb mauj maare to Thahre hai koī ḳhas

majnūñ kā dil huuñ mahmil-e-lailā se huuñ judā

tanhā phirūñ huuñ dasht meñ juuñ nāla-e-jaras

ai girya us ke dil meñ asar ḳhuub hī kiyā

rotā huuñ jab maiñ sāmne us ke to de hai hañs

us kī zabāñ ke ohde se kyūñkar nikal sakūñ

kahtā huuñ ek maiñ to sunātā hai mujh ko das

hairāñ huuñ 'mīr' naza' meñ ab kyā karūñ bhalā

ahvāl-e-dil bahut hai mujhe fursat ik nafas

ai abr-e-tar tu aur kisi samt ko baras

is mulk mein hamari hai ye chashm-e-tar hi bas

hirman to dekh phul bikhere thi kal saba

ek barg-e-gul gira na jahan tha mera qafas

mizhgan bhi bah gain mere rone se chashm ki

sailab mauj mare to Thahre hai koi KHas

majnun ka dil hun mahmil-e-laila se hun juda

tanha phirun hun dasht mein jun nala-e-jaras

ai girya us ke dil mein asar KHub hi kiya

rota hun jab main samne us ke to de hai hans

us ki zaban ke ohde se kyunkar nikal sakun

kahta hun ek main to sunata hai mujh ko das

hairan hun 'mir' naza' mein ab kya karun bhala

ahwal-e-dil bahut hai mujhe fursat ek nafas