mera bichhDa ranjhan moD sajan

mirā bichhḌā rāñjhan moḌ sajan

mujhe chaah na koī aur sajan

maiñ ne oḌhā rañg-e-siyāh faqat

diye kañgan chūḌī toḌ sajan

maiñ ne tujh se sachchā ishq kiyā

dī saarī duniyā chhoḌ sajan

tirī yaad se bāhar niklūñ maiñ

mujhe aa kar yuuñ jhinjhoḌ sajan

maiñ har dargāh pe jā.ūñgī

ho sindh ho yā lahore sajan

koī dhāgā tujh se joḌe to

minnat kī bāñdhūñ Dor sajan

chal mujh se ishq dobāra kar

chal phir se naatā joḌ sajan

chal naam na de ik shaam hī de

mirī baat pe kar kuchh ġhaur sajan

tū ne māñgā hijr-e-judā.ī bas

kuchh maañg ke taktā aur sajan

mirā jurm mohabbat hai sā.īñ

maiñ huuñ zinda-dargor sajan

tirī diid mirā hajj-e-akbar

tirā naam paḌhūñ har por sajan

tujhe merī baat kā maan nahīñ

jā rahne de bas chhoḌ sajan

kyuuñ harjā.ī ko yaad kare

chal chhoḌ 'kañval' bas chhoḌ sajan

mera bichhDa ranjhan moD sajan

mujhe chah na koi aur sajan

main ne oDha rang-e-siyah faqat

diye kangan chuDi toD sajan

main ne tujh se sachcha ishq kiya

di sari duniya chhoD sajan

teri yaad se bahar niklun main

mujhe aa kar yun jhinjhoD sajan

main har dargah pe jaungi

ho sindh ho ya lahore sajan

koi dhaga tujh se joDe to

minnat ki bandhun Dor sajan

chal mujh se ishq dobara kar

chal phir se nata joD sajan

chal nam na de ek sham hi de

meri baat pe kar kuchh ghaur sajan

tu ne manga hijr-e-judai bas

kuchh mang ke takta aur sajan

mera jurm mohabbat hai sain

main hun zinda-dargor sajan

teri did mera hajj-e-akbar

tera nam paDhun har por sajan

tujhe meri baat ka man nahin

ja rahne de bas chhoD sajan

kyun harjai ko yaad kare

chal chhoD 'kanwal' bas chhoD sajan