mera dil jale to jala kare wahi kar jo tera KHayal hai

mirā dil jale to jalā kare vahī kar jo terā ḳhayāl hai

mire dil kī baat nahīñ nahīñ tire ghar ka ye to savāl hai

na to tāb-e-arz-e-savāl hai na to dam-zadoñ kī majāl hai

mirī ḳhāmoshī hai fuġhāñ ba-lab yahī qaal hai yahī haal hai

tire husn ka ye kamāl kyā ye majāl kyā ye ḳhayāl kyā

hai kamāl husn-e-nazar mirā na jamāl hai na ḳhayāl hai

mujhe bhā ga.ī tirī ye adā hai ajiib dil-kash-o-dil-rubā

tirī ik nazar hai javāb-e-kul mirī har nazar meñ savāl hai

nahīñ mujh ko tujh se gila koī tirī yaad ban ga.ī dil-rubā

shab-e-hijr ab mire vāste nahīñ hijr ye to visāl hai

tujhe degā dāġh-e-mafāriqat jise terā 'majrūh' kahte haiñ

zarā aa ke dekh le ik nazar ki qarīb vaqt-e-visāl hai

mera dil jale to jala kare wahi kar jo tera KHayal hai

mere dil ki baat nahin nahin tere ghar ka ye to sawal hai

na to tab-e-arz-e-sawal hai na to dam-zadon ki majal hai

meri KHamoshi hai fughan ba-lab yahi qal hai yahi haal hai

tere husn ka ye kamal kya ye majal kya ye KHayal kya

hai kamal husn-e-nazar mera na jamal hai na KHayal hai

mujhe bha gai teri ye ada hai ajib dil-kash-o-dil-ruba

teri ek nazar hai jawab-e-kul meri har nazar mein sawal hai

nahin mujh ko tujh se gila koi teri yaad ban gai dil-ruba

shab-e-hijr ab mere waste nahin hijr ye to visal hai

tujhe dega dagh-e-mafariqat jise tera 'majruh' kahte hain

zara aa ke dekh le ek nazar ki qarib waqt-e-visal hai