mera iKHlas bhi ek wajh-e-dil-azari hai
mirā iḳhlās bhī ik vaj.h-e-dil-āzārī hai
banda-parvar mujhe ehsās-e-gunahgārī hai
aap aziyyat kā banāte haiñ jo ḳhūgar mujh ko
is se behtar bhalā kyā sūrat-e-ġham-ḳhvārī hai
mahz taskīn-barārī ke bahāne haiñ sab
maiñ to kahtā huuñ mohabbat bhī riyā-kārī hai
mashq kartā hai nasīhat kī jin ayyām meñ tū
vā.iz-e-shahr vahī mausam-e-mai-ḳhvārī hai
kaise aa.egā na sar-dard ko ārām 'adam'
mere ahbāb ko taqrīr kī bīmārī hai
mera iKHlas bhi ek wajh-e-dil-azari hai
banda-parwar mujhe ehsas-e-gunahgari hai
aap aziyyat ka banate hain jo KHugar mujh ko
is se behtar bhala kya surat-e-gham-KHwari hai
mahz taskin-barari ke bahane hain sab
main to kahta hun mohabbat bhi riya-kari hai
mashq karta hai nasihat ki jin ayyam mein tu
waiz-e-shahr wahi mausam-e-mai-KHwari hai
kaise aaega na sar-dard ko aaram 'adam'
mere ahbab ko taqrir ki bimari hai
- Book : Kulliyat-e-Adm (Pg. 1496)
- Author : Khwaja Mohammad Zakariya
- Publication : Alhamd Publications, Lahore (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
