mera KHwab mera KHayal tu tera zikr hai meri guftugu

mirā ḳhvāb merā ḳhayāl tū tirā zikr hai mirī guftugū

mirā har nafas tirī aarzū mirā har qadam tirī justujū

mujhe zid nahīñ magar aa bhī jā baḌā yās-o-ġham kā hujūm hai

tire dard kī mire zabt kī kahīñ luT na jaa.e ye aabrū

maiñ malāmatoñ kā shikār bhī mujhe kāfirī kā ḳhitāb bhī

mirī mai-kashī kā ḳhumār tū mirī bandagī kā shi.ār tū

ye kaThin to hai mire dosto mujhe mo.ajizoñ pe bhī hai yaqīñ

kabhī aa.e aisā bhī ek din ki use bhī ho mirī justujū

nahīñ aql-o-faham kī dastaras haiñ ajiib dil ke muāmle

kabhī nik.hatoñ se latīf-tar kabhī rasan-o-dār se dū-badū

tirā ruup bhī tirā rañg bhī tire gesuoñ kī mahak bhī thī

kabhī aa gayā huuñ jo daf.atan maiñ ḳhud apne aap ke rū-ba-rū

yūñhī ek halkī sī choT se vo na jaane kaise bikhar gayā

vo jo ḳhud ko kahtā thā āhanī baḌī sho.ala-bār thī guftugū

mera KHwab mera KHayal tu tera zikr hai meri guftugu

mera har nafas teri aarzu mera har qadam teri justuju

mujhe zid nahin magar aa bhi ja baDa yas-o-gham ka hujum hai

tere dard ki mere zabt ki kahin luT na jae ye aabru

main malamaton ka shikar bhi mujhe kafiri ka KHitab bhi

meri mai-kashi ka KHumar tu meri bandagi ka shiar tu

ye kaThin to hai mere dosto mujhe moajizon pe bhi hai yaqin

kabhi aae aisa bhi ek din ki use bhi ho meri justuju

nahin aql-o-faham ki dastaras hain ajib dil ke muamle

kabhi nikhaton se latif-tar kabhi rasan-o-dar se du-badu

tera rup bhi tera rang bhi tere gesuon ki mahak bhi thi

kabhi aa gaya hun jo dafatan main KHud apne aap ke ru-ba-ru

yunhi ek halki si choT se wo na jaane kaise bikhar gaya

wo jo KHud ko kahta tha aahani baDi shoala-bar thi guftugu