mera yar mujhse juda ho gaya

mirā yaar mujh se judā ho gayā

ye kyā kah rahe ho ye kyā ho gayā

sitāre kā koī bharosa nahīñ

kabhī gum kabhī rūnumā ho gayā

tum ik martaba kyā dikhā.ī diye

mirā kaam hī dekhnā ho gayā

falak ne palaT kar na dekhā kabhī

koī ḳhush huā yā ḳhafā ho gayā

sunāne lagā āp-bītī 'sha'ūr'

ġhazab ḳhairiyat pūchhnā ho gayā

mera yar mujh se juda ho gaya

ye kya kah rahe ho ye kya ho gaya

sitare ka koi bharosa nahin

kabhi gum kabhi runuma ho gaya

tum ek martaba kya dikhai diye

mera kaam hi dekhna ho gaya

falak ne palaT kar na dekha kabhi

koi KHush hua ya KHafa ho gaya

sunane laga aap-biti 'sha'ur'

ghazab KHairiyat puchhna ho gaya