mere baad sansen bhi khoya karega

mire baa'd sāñseñ bhī khoyā karegā

tū bār-e-ġham-e-ishq Dhoyā karegā

mayassar tujhe har ḳhushī hogī lekin

mujhe yaad kar ke tū royā karegā

maiñ sehn-e-gulistāñ meñ jab na milūñgī

tū phūloñ ke dāman bhigoyā karegā

koī chāñd kī pālkī se utar ke

tire shab-kade meñ hī soyā karegā

kisī ne kahā thā ki Dhaltā huā din

udāsī tire dil meñ boyā karegā

ba-zāhir tire saath koī na hogā

koī to magar saath hoyā karegā

har ik chiiz par dastaras hogī terī

magar chain se tū na soyā karegā

kabhī chāñd utregā jab pāniyoñ meñ

badan ke sabhī daaġh dhoyā karegā

mire haath par haath rakkhā hai us ne

bichhaḌne kī bāteñ bhī goyā karegā

samundar kī tujh ko duā hai ki ab tū

kināre pe kashtī Duboyā karegā

na dushvār ho us kā 'jīnā' ḳhudāyā

vagarna ye dil merā royā karegā

mere ba'd sansen bhi khoya karega

tu bar-e-gham-e-ishq Dhoya karega

mayassar tujhe har KHushi hogi lekin

mujhe yaad kar ke tu roya karega

main sehn-e-gulistan mein jab na milungi

tu phulon ke daman bhigoya karega

koi chand ki palki se utar ke

tere shab-kade mein hi soya karega

kisi ne kaha tha ki Dhalta hua din

udasi tere dil mein boya karega

ba-zahir tere sath koi na hoga

koi to magar sath hoya karega

har ek chiz par dastaras hogi teri

magar chain se tu na soya karega

kabhi chand utrega jab paniyon mein

badan ke sabhi dagh dhoya karega

mere hath par hath rakkha hai us ne

bichhaDne ki baaten bhi goya karega

samundar ki tujh ko dua hai ki ab tu

kinare pe kashti Duboya karega

na dushwar ho us ka 'jina' KHudaya

wagarna ye dil mera roya karega