mere charagho mera ganj-e-be-karan le lo

mire charāġho mirā ganj-e-be-karāñ le lo

maiñ jā rahā huuñ mirī raushni-e-jāñ le lo

qarīb hai mire ḳhākī libās kī tahlīl

mire dimāġh mire dil mirī zabāñ le lo

hai merī āñkhoñ meñ aks-e-navishta-e-dīvār

samajh sako to mirā nutq-e-be-e-zabāñ le lo

mirī jabīñ pe munaqqash haiñ rāstoñ ke charāġh

bhaTak na jaao ye dastūr-e-chīstāñ le lo

rahīn-e-dasht huuñ sahrā kā rāz-dāñ huuñ maiñ

rumūz-e-dasht bayābāñ kī boliyāñ le lo

huuñ vārdāt kā ainī gavāh maiñ mujh se

ye merī maut se pahle mirā bayāñ le lo

mere charagho mera ganj-e-be-karan le lo

main ja raha hun meri raushni-e-jaan le lo

qarib hai mere KHaki libas ki tahlil

mere dimagh mere dil meri zaban le lo

hai meri aankhon mein aks-e-nawishta-e-diwar

samajh sako to mera nutq-e-be-e-zaban le lo

meri jabin pe munaqqash hain raston ke charagh

bhaTak na jao ye dastur-e-chistan le lo

rahin-e-dasht hun sahra ka raaz-dan hun main

rumuz-e-dasht bayaban ki boliyan le lo

hun wardat ka aini gawah main mujh se

ye meri maut se pahle mera bayan le lo