mere dast-e-junun ki fitna-samani ko kya kahiye

mire dast-e-junūñ kī fitna-sāmānī ko kyā kahiye

ki ik aalam pareshāñ hai pareshānī ko kyā kahiye

jahān-e-rang-o-bū kī vus.ateñ vaq.at nahīñ rakhtīñ

mire josh-e-taḳhayyul kī farāvānī ko kyā kahiye

kisī kī yaad se qaa.em hai raunaq bazm-e-imkāñ meñ

kisī kī yaad ke jalvoñ kī tābānī ko kyā kahiye

lab-e-lālīñ se piine meñ mujhe kyā aar hai hamdam

sisaktī chīḳhtī is nau-e-insānī ko kyā kahiye

kisī sūrat dil-e-mahzūñ ko bahlāyā nahīñ jaatā

dil-e-mahzūñ kī is turfa pareshānī ko kyā kahiye

yahī maujeñ kabhī ruḳh pher detī thiiñ safīnoñ kā

inhīñ maujoñ kī ab be-sāz-o-sāmānī ko kyā kahiye

mere dast-e-junun ki fitna-samani ko kya kahiye

ki ek aalam pareshan hai pareshani ko kya kahiye

jahan-e-rang-o-bu ki wusaten waqat nahin rakhtin

mere josh-e-taKHayyul ki farawani ko kya kahiye

kisi ki yaad se qaem hai raunaq bazm-e-imkan mein

kisi ki yaad ke jalwon ki tabani ko kya kahiye

lab-e-lalin se pine mein mujhe kya aar hai hamdam

sisakti chiKHti is nau-e-insani ko kya kahiye

kisi surat dil-e-mahzun ko bahlaya nahin jata

dil-e-mahzun ki is turfa pareshani ko kya kahiye

yahi maujen kabhi ruKH pher deti thin safinon ka

inhin maujon ki ab be-saz-o-samani ko kya kahiye