mere har-nafas mein basa hai tu mere fikr-o-fan mein qiyam hai

mire har-nafas meñ basā hai tū mire fikr-o-fan meñ qiyām hai

ki kitāb-e-dil ke varq varq meñ likhā huā tirā naam hai

na sukūn-e-dair-o-haram milā na ḳhudā milā na sanam milā

tire dil se dil jo baham milā to qarār-e-dil bhī mudām hai

jo chhuḌā.ī maañg se kahkashāñ to sitāre kaañp ke rah ga.e

tirī zulf abr kī chhāvnī tirā chehra māh-e-tamām hai

tū jamāl ban ke nazar meñ aa tū kamāl ban ke hunar pe chhā

mujhe raat din tirī aarzū tirī justujū mirā kaam hai

hai surāhī mai se aTī huī hai sharāb ḳhum meñ bharī huī

zarā dekh sāqī-e-mai-kadā mire haath meñ tahī-jām hai

mire ḳhvāb-reze simaT ga.e mire āñsuoñ ke hisār meñ

mirī sahmī sahmī sī sub.h hai mirī larza larza sī shaam hai

mere har-nafas mein basa hai tu mere fikr-o-fan mein qiyam hai

ki kitab-e-dil ke warq warq mein likha hua tera nam hai

na sukun-e-dair-o-haram mila na KHuda mila na sanam mila

tere dil se dil jo baham mila to qarar-e-dil bhi mudam hai

jo chhuDai mang se kahkashan to sitare kanp ke rah gae

teri zulf abr ki chhawni tera chehra mah-e-tamam hai

tu jamal ban ke nazar mein aa tu kamal ban ke hunar pe chha

mujhe raat din teri aarzu teri justuju mera kaam hai

hai surahi mai se aTi hui hai sharab KHum mein bhari hui

zara dekh saqi-e-mai-kada mere hath mein tahi-jam hai

mere KHwab-reze simaT gae mere aansuon ke hisar mein

meri sahmi sahmi si subh hai meri larza larza si sham hai