mere hazar ghamon ka hisab kaun likhe

mire hazār ġhamoñ kā hisāb kaun likhe

maiñ ik kahānī huuñ mujh par kitāb kaun likhe

gunāh likhte rahe merī aah ko lekin

jo ashk dil meñ haiñ un ko savāb kaun likhe

tumhārī yaad nahīñ ik azaab hai goyā

magar tumhāre karam ko azaab kaun likhe

ham apne zaḳhm-e-jigar ko chhupā.e baiThe haiñ

tumhāre chehre ko taaza gulāb kaun likhe

mirā qalam to mirā saath chhoḌ baiThā hai

kitāb-e-dil kā mirī intisāb kaun likhe

sabhī ko pyārī hai jaañ apnī ek mere sivā

sitam sitam ko tumhāre janāb kaun likhe

maiñ apne ḳhat bhī ḳhud un kī taraf se likhtī huuñ

vafā ko chhoḌiye us kā javāb kaun likhe

mere hazar ghamon ka hisab kaun likhe

main ek kahani hun mujh par kitab kaun likhe

gunah likhte rahe meri aah ko lekin

jo ashk dil mein hain un ko sawab kaun likhe

tumhaari yaad nahin ek azab hai goya

magar tumhaare karam ko azab kaun likhe

hum apne zaKHm-e-jigar ko chhupae baiThe hain

tumhaare chehre ko taza gulab kaun likhe

mera qalam to mera sath chhoD baiTha hai

kitab-e-dil ka meri intisab kaun likhe

sabhi ko pyari hai jaan apni ek mere siwa

sitam sitam ko tumhaare janab kaun likhe

main apne KHat bhi KHud un ki taraf se likhti hun

wafa ko chhoDiye us ka jawab kaun likhe