mere is tapida KHun mein koi tegh si Dhale to

mire is tapīda ḳhuuñ meñ koī teġh sī Dhale to

jo maraz banā hai merā yahī ġham davā bane to

ye jahān-e-ātish-o-ḳhūñ yahī rang ang us kā

dil-e-narm ḳhud bhī merā isī rang meñ Dhale to

vo hazār vahshateñ jo mire ḳhuuñ meñ nāchtī haiñ

kabhī ek aisā mela sar-e-bazm bhī saje to

mirī ḳhasta rozgārī mire aaḌe thī vagarna

maiñ bhī kū-ba-kū nikaltā mire paas ḳhvāb the to

sar-e-vaqt kyā likhā hai vo bhī dekh leñge 'kāvish'

dil-e-band par junūñ ke na.e baab vā hue to

mere is tapida KHun mein koi tegh si Dhale to

jo maraz bana hai mera yahi gham dawa bane to

ye jahan-e-atish-o-KHun yahi rang ang us ka

dil-e-narm KHud bhi mera isi rang mein Dhale to

wo hazar wahshaten jo mere KHun mein nachti hain

kabhi ek aisa mela sar-e-bazm bhi saje to

meri KHasta rozgari mere aaDe thi wagarna

main bhi ku-ba-ku nikalta mere pas KHwab the to

sar-e-waqt kya likha hai wo bhi dekh lenge 'kawish'

dil-e-band par junun ke nae bab wa hue to