mere mazar pe aa kar diye jalaega

mire mazār pe aa kar diye jalā.egā

vo mere ba.ad mirī zindagī meñ aa.egā

yahāñ kī baat alag hai jahān-e-dīgar se

maiñ kaise ā.ūñgā mujh ko agar bulā.egā

mujhe hañsī bhī mire haal par nahīñ aatī

vo ḳhud bhī ro.egā auroñ ko bhī rulā.egā

bichhaḌ ke is ko ga.e aaj tīsrā din hai

agar vo aaj na aayā to phir na aa.egā

faqīh-e-shahr ke baare merī raa.e thī

gunāhgār hai patthar nahīñ uThā.egā

isī tarah dar-o-dīvār tañg hote rahe

to koī apne liye ghar nahīñ bānegā

hamāre ba.ad ye dār-o-rasan nahīñ hoñge

hamāre ba.ad koī sar nahīñ uThā.egā

mere mazar pe aa kar diye jalaega

wo mere baad meri zindagi mein aaega

yahan ki baat alag hai jahan-e-digar se

main kaise aaunga mujh ko agar bulaega

mujhe hansi bhi mere haal par nahin aati

wo KHud bhi roega auron ko bhi rulaega

bichhaD ke is ko gae aaj tisra din hai

agar wo aaj na aaya to phir na aaega

faqih-e-shahr ke bare meri rae thi

gunahgar hai patthar nahin uThaega

isi tarah dar-o-diwar tang hote rahe

to koi apne liye ghar nahin banega

hamare baad ye dar-o-rasan nahin honge

hamare baad koi sar nahin uThaega