mere pas ru ko andaza nahin tha

mire pas rū ko andāza nahīñ thā

maiñ rasta thā magar sīdhā nahīñ thā

mujhe sūraj pe ye bhī bartarī thī

maiñ raushan thā magar jaltā nahīñ thā

safar kī aarzū kuchh dīdanī thī

maiñ qatra thā magar ruktā nahīñ thā

jaḌeñ thiiñ saaya thā phal phuul bhī the

maiñ jitnā thā faqat utnā nahīñ thā

vo lagtā thā magar aisā nahīñ thā

samundar hī sahī gahrā nahīñ thā

bhaḌak uTThā jo tere āñsuoñ se

vo merā zaḳhm thā sho'la nahīñ thā

vo anhonī thī jo ho kar rahī thī

jo honā thā vahī hotā nahīñ thā

kahāñ kī garmī-e-bāzār duniyā

maiñ sikka thā magar chaltā nahīñ thā

mere pas ru ko andaza nahin tha

main rasta tha magar sidha nahin tha

mujhe suraj pe ye bhi bartari thi

main raushan tha magar jalta nahin tha

safar ki aarzu kuchh didani thi

main qatra tha magar rukta nahin tha

jaDen thin saya tha phal phul bhi the

main jitna tha faqat utna nahin tha

wo lagta tha magar aisa nahin tha

samundar hi sahi gahra nahin tha

bhaDak uTTha jo tere aansuon se

wo mera zaKHm tha sho'la nahin tha

wo anhoni thi jo ho kar rahi thi

jo hona tha wahi hota nahin tha

kahan ki garmi-e-bazar duniya

main sikka tha magar chalta nahin tha