mere saqi ek aisa daur-e-saghar

mire saaqī ik aisā daur-e-sāġhar

piyūñ jī bhar ke ashk-e-dīda-e-tar

jamāl-e-dost yuuñ ho jalva-farmā

gireñ merī nazar se māh-o-aḳhtar

havā.eñ le uḌeñ zulfoñ kī ḳhushbū

ye duniyā ho fazā-e-ūd-o-anbar

tire qurb-e-shamīm-ārā ke sadqe

mirī har saañs ho jaa.e mo.attar

dhaḌaktā hai mirā dil be-tahāsha

laraztī hai agar shāḳh-e-gul-e-tar

chamaktā jā chamaktā jā musalsal

tamannāoñ ke ai māh-e-munavvar

yahāñ haiñ phuul kam kāñTe ziyāda

to phir ho jā.iye kāñToñ ke ḳhūgar

isī ummīd par kaT jaa.e yā rab

kabhī hogā sukūn-e-dil mayassar

mujhe sheroñ meñ kah denā hai 'maġhmūm

guzartī hai jo lamha lamha dil par

mere saqi ek aisa daur-e-saghar

piyun ji bhar ke ashk-e-dida-e-tar

jamal-e-dost yun ho jalwa-farma

giren meri nazar se mah-o-aKHtar

hawaen le uDen zulfon ki KHushbu

ye duniya ho faza-e-ud-o-anbar

tere qurb-e-shamim-ara ke sadqe

meri har sans ho jae moattar

dhaDakta hai mera dil be-tahasha

larazti hai agar shaKH-e-gul-e-tar

chamakta ja chamakta ja musalsal

tamannaon ke ai mah-e-munawwar

yahan hain phul kam kanTe ziyaada

to phir ho jaiye kanTon ke KHugar

isi ummid par kaT jae ya rab

kabhi hoga sukun-e-dil mayassar

mujhe sheron mein kah dena hai 'maghmum

guzarti hai jo lamha lamha dil par