mere sath usne banaya tamasha

mire saath us ne banāyā tamāshā

magar maiñ ne phir bhī nibhāyā tamāshā

purānī kahānī abhī chal rahī thī

ki us ne nayā ik dikhāyā tamāshā

ye theatre tamāshā.iyoñ se bharā thā

jab is baar us ne lagāyā tamāshā

mu'āvin adākār kyoñ biich aa.e

jo tanhā thā us ne chalāyā tamāshā

mujhe ek manfī sā kirdār de kar

lagātār us ne baḌhāyā tamāshā

jo mehmāñ adākār kā maiñ ne pūchhā

to kyoñ us ne mujh se chhupāyā tamāshā

mire ḳhuun se saarā stage bhar ke

baḌā hī bhayānak banāyā tamāshā

na jaane diiñ kis ne hidāyāt us ko

jo le kar mirī jaañ miTāyā tamāshā

mere sath us ne banaya tamasha

magar main ne phir bhi nibhaya tamasha

purani kahani abhi chal rahi thi

ki us ne naya ek dikhaya tamasha

ye theatre tamashaiyon se bhara tha

jab is bar us ne lagaya tamasha

mu'awin adakar kyon bich aae

jo tanha tha us ne chalaya tamasha

mujhe ek manfi sa kirdar de kar

lagatar us ne baDhaya tamasha

jo mehman adakar ka main ne puchha

to kyon us ne mujh se chhupaya tamasha

mere KHun se sara stage bhar ke

baDa hi bhayanak banaya tamasha

na jaane din kis ne hidayat us ko

jo le kar meri jaan miTaya tamasha