meri dastan-e-alam to sun koi zalzala nahin aaega

mirī dāstān-e-alam to sun koī zalzala nahīñ aa.egā

mirā mudda.ā nahīñ aa.egā tirā tazkira nahīñ aa.egā

ka.ī ghāTiyoñ pe muhīt hai mirī zindagī kī ye rahguzar

tirī vāpsī bhī huī agar tujhe rāsta nahīñ aa.egā

agar aa.e dasht meñ jhel to mujhe ehtiyāt se pheñknā

ki maiñ barg-e-ḳhushk huuñ dosto mujhe tairnā nahīñ aa.egā

agar aa.e din tirī raah meñ tirī khoj meñ tirī chaah meñ

yūñhī qāfile jo luTā kiye koī qāfila nahīñ aa.egā

kahīñ intihā kī malāmateñ kahīñ pattharoñ se aTī chhateñ

tire shahr meñ mire ba.ad ab koī sar-phirā nahīñ aa.egā

koī intizār kā fā.eda mire yaar 'bedil'-e-ġham-zada

tujhe chhoḌ kar jo chalā gayā nahīñ aa.egā nahīñ aa.egā

meri dastan-e-alam to sun koi zalzala nahin aaega

mera muddaa nahin aaega tera tazkira nahin aaega

kai ghaTiyon pe muhit hai meri zindagi ki ye rahguzar

teri wapsi bhi hui agar tujhe rasta nahin aaega

agar aae dasht mein jhel to mujhe ehtiyat se phenkna

ki main barg-e-KHushk hun dosto mujhe tairna nahin aaega

agar aae din teri rah mein teri khoj mein teri chah mein

yunhi qafile jo luTa kiye koi qafila nahin aaega

kahin intiha ki malamaten kahin pattharon se aTi chhaten

tere shahr mein mere baad ab koi sar-phira nahin aaega

koi intizar ka faeda mere yar 'bedil'-e-gham-zada

tujhe chhoD kar jo chala gaya nahin aaega nahin aaega