meri hasti faza-e-hairat aabaad-e-tamanna hai

mirī hastī fazā-e-hairat ābād-e-tamannā hai

jise kahte haiñ naala vo usī 'ālam kā anqā hai

ḳhizāñ kyā fasl-e-gul kahte haiñ kis ko koī mausam ho

vahī ham haiñ qafas hai aur mātam bāl-o-par kā hai

vafā-e-dilbarāñ hai ittifāqī varna ai hamdam

asar fariyād-e-dil-hā-e-hazīñ kā kis ne dekhā hai

na laa.ī shoḳhi-e-andesha tāb-e-ranj-e-naumīdī

kaf-e-afsos milnā ahd-e-tajdīd-e-tamannā hai

na sove ābloñ meñ gar sirishk-e-dīda-e-nam se

ba-jaulāñ-gāh-e-naumīdī nigāh-e-ājizāñ pā hai

ba-saḳhtī-hā-e-qaid-e-zindagī mā'lūm āzādī

sharar bhī said-e-dām-e-rishta-e-rag-hā-e-ḳhārā hai

taġhāful-mashrabī se nā-tamāmī bas-ki paidā hai

nigāh-e-nāz chashm-e-yār meñ zunnār-e-mīnā hai

tasarruf vahshiyoñ meñ hai tasavvur-hā-e-majnūñ kā

savād-e-chashm-e-āhū aks-e-ḳhāl-e-rū-e-lailā hai

mohabbat tarz-e-paivand-e-nihāl-e-dostī jaane

davīdan resha saañ muft-e-rag-e-ḳhvāb-e-zuleḳhā hai

kiyā yak-sar gudāz-e-dil niyāz-e-joshish-e-hasrat

suvaidā nusḳha-e-tah-bandi-e-dāġh-e-tamannā hai

hujūm-e-rezish-e-ḳhūñ ke sabab rang uḌ nahīñ saktā

hinā-e-panja-e-saiyyād murġh-e-rishta bar-pā hai

asar soz-e-mohabbat kā qayāmat be-muhābā hai

ki rag se sañg meñ tuḳhm-e-sharar kā resha paidā hai

nihāñ hai gauhar-e-maqsūd jeb-e-ḳhud-shanāsī meñ

ki yaañ ġhavvās hai timsāl aur ā.īna dariyā hai

'azīzo zikr-e-vasl-e-ġhair se mujh ko na bahlāo

ki yaañ afsūn-e-ḳhvāb afsāna-e-ḳhvāb-e-zulaiḳhā hai

tasavvur bahr-e-taskīn-e-tapīdan-hā-e-tifl-e-dil

ba-bāġh-e-rañg-hā-e-rafta gul-chīn-e-tamāshā hai

ba-sa.i-e-ġhair hai qat-e-libās-e-ḳhāna-vīrānī

ki nāz-e-jāda-e-rah rishta-e-dāmān-e-sahrā hai

meri hasti faza-e-hairat aabaad-e-tamanna hai

jise kahte hain nala wo usi 'alam ka anqa hai

KHizan kya fasl-e-gul kahte hain kis ko koi mausam ho

wahi hum hain qafas hai aur matam baal-o-par ka hai

wafa-e-dilbaran hai ittifaqi warna ai hamdam

asar fariyaad-e-dil-ha-e-hazin ka kis ne dekha hai

na lai shoKHi-e-andesha tab-e-ranj-e-naumidi

kaf-e-afsos milna ahd-e-tajdid-e-tamanna hai

na sowe aablon mein gar sirishk-e-dida-e-nam se

ba-jaulan-gah-e-naumidi nigah-e-ajizan pa hai

ba-saKHti-ha-e-qaid-e-zindagi ma'lum aazadi

sharar bhi said-e-dam-e-rishta-e-rag-ha-e-KHara hai

taghaful-mashrabi se na-tamami bas-ki paida hai

nigah-e-naz chashm-e-yar mein zunnar-e-mina hai

tasarruf wahshiyon mein hai tasawwur-ha-e-majnun ka

sawad-e-chashm-e-ahu aks-e-KHal-e-ru-e-laila hai

mohabbat tarz-e-paiwand-e-nihaal-e-dosti jaane

dawidan resha san muft-e-rag-e-KHwab-e-zuleKHa hai

kiya yak-sar gudaz-e-dil niyaz-e-joshish-e-hasrat

suwaida nusKHa-e-tah-bandi-e-dagh-e-tamanna hai

hujum-e-rezish-e-KHun ke sabab rang uD nahin sakta

hina-e-panja-e-saiyyaad murgh-e-rishta bar-pa hai

asar soz-e-mohabbat ka qayamat be-muhaba hai

ki rag se sang mein tuKHm-e-sharar ka resha paida hai

nihan hai gauhar-e-maqsud jeb-e-KHud-shanasi mein

ki yan ghawwas hai timsal aur aaina dariya hai

'azizo zikr-e-wasl-e-ghair se mujh ko na bahlao

ki yan afsun-e-KHwab afsana-e-KHwab-e-zulaiKHa hai

tasawwur bahr-e-taskin-e-tapidan-ha-e-tifl-e-dil

ba-bagh-e-rang-ha-e-rafta gul-chin-e-tamasha hai

ba-sai-e-ghair hai qat-e-libas-e-KHana-virani

ki naz-e-jada-e-rah rishta-e-daman-e-sahra hai