meri mohabbat mein sari duniya ko ek khilauna bana diya hai

Farhat Ehsas

meri mohabbat mein sari duniya ko ek khilauna bana diya hai

Farhat Ehsas

MORE BY Farhat Ehsas

    mirī mohabbat meñ saarī duniyā ko ik khilaunā banā diyā hai

    ye zindagī ban ga.ī hai maañ aur mujh ko bachcha banā diyā hai

    jise kamī ho vo aa ke le jaa.e merī hastī se apnā hissa

    mujhe ye lagtā hai us ne mujh ko bahut ziyāda banā diyā hai

    use ḳhabar thī ki ham visāl aur hijr ik saath chāhte haiñ

    to us ne aadhā ujaaḌ rakkhā hai aur aadhā banā diyā hai

    maiñ jāntā huuñ magar mujhe us fareb meñ lutf aa rahā hai

    sarāb hai vo jise mirī tishnagī ne dariyā banā diyā hai

    tirī mohabbat ḳhair jis ne jalā ke ḳhāshāk-e-jism-o-jāñ ko

    vo aag bhaḌkā.ī jis ne patthar ko ābgīna banā diyā hai

    to aur kyā chāhiye tumheñ ik zamīn de kitāb jaisī

    aur āsmāñ par kalām kartā huā sitārā banā diyā hai

    vo pīr-e-mai-ḳhāna-e-falak in dinoñ bahut mehrbāñ hai mujh par

    to ḳhud surāhī banā huā hai mujhe piyāla banā diyā hai

    meri mohabbat mein sari duniya ko ek khilauna bana diya hai

    ye zindagi ban gai hai man aur mujh ko bachcha bana diya hai

    jise kami ho wo aa ke le jae meri hasti se apna hissa

    mujhe ye lagta hai us ne mujh ko bahut ziyaada bana diya hai

    use KHabar thi ki hum visal aur hijr ek sath chahte hain

    to us ne aadha ujaD rakkha hai aur aadha bana diya hai

    main jaanta hun magar mujhe us fareb mein lutf aa raha hai

    sarab hai wo jise meri tishnagi ne dariya bana diya hai

    teri mohabbat ki KHair jis ne jala ke KHashak-e-jism-o-jaan ko

    wo aag bhaDkai jis ne patthar ko aabgina bana diya hai

    to aur kya chahiye tumhein ek zamin de di kitab jaisi

    aur aasman par kalam karta hua sitara bana diya hai

    wo pir-e-mai-KHana-e-falak in dinon bahut mehrban hai mujh par

    to KHud surahi bana hua hai mujhe piyala bana diya hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites