meri nigah mein ye rang-e-soz-o-saz na ho

mirī nigāh meñ ye rañg-e-soz-o-sāz na ho

tire karam kā agar silsila darāz na ho

umiid chashm-e-taġhāful-shi.ār se kab thī

is iltifāt-e-farāvāñ meñ koī raaz na ho

hamāre hāl-e-pareshāñ pe ik nazar bhī nahīñ

niyāz-mand se itnā tū be-niyāz na ho

kisī ne toḌ diye barbat-e-hayāt ke taar

ab aur kyā ho agar āh-e-jāñ-gudāz na ho

nazar na aa.e kahīñ ye bahār kā aalam

agar tasavvur-e-rū-e-chaman-tarāz na ho

chalā to hai magar ai rahrav-e-rah-e-irfāñ

haqīqatoñ kī bhī manzil kahīñ majāz na ho

jo us ke husn kī parchhā.iyāñ na aa.eñ nazar

to ruuh garm-e-tavāf-e-harīm-e-nāz na ho

hai ek fitna-e-bedār husn-e-ḳhvābīda

sambhal ki ghaat meñ vo chashm-e-nīm-bāz na ho

shab-e-firāq na kaaTe kaTe kabhī 'muztar'

ḳhayāl-e-dost agar ġham meñ dil-navāz na ho

meri nigah mein ye rang-e-soz-o-saz na ho

tere karam ka agar silsila daraaz na ho

umid chashm-e-taghaful-shiar se kab thi

is iltifat-e-farawan mein koi raaz na ho

hamare haal-e-pareshan pe ek nazar bhi nahin

niyaz-mand se itna tu be-niyaz na ho

kisi ne toD diye barbat-e-hayat ke tar

ab aur kya ho agar aah-e-jaan-gudaz na ho

nazar na aae kahin ye bahaar ka aalam

agar tasawwur-e-ru-e-chaman-taraaz na ho

chala to hai magar ai rahraw-e-rah-e-irfan

haqiqaton ki bhi manzil kahin majaz na ho

jo us ke husn ki parchhaiyan na aaen nazar

to ruh garm-e-tawaf-e-harim-e-naz na ho

hai ek fitna-e-bedar husn-e-KHwabida

sambhal ki ghat mein wo chashm-e-nim-baz na ho

shab-e-firaq na kaTe kaTe kabhi 'muztar'

KHayal-e-dost agar gham mein dil-nawaz na ho