meri sans ab chaara-gar TuTti hai

mirī saañs ab chārā-gar TūTtī hai

kahīñ juḌtī hai phir kahīñ TūTtī hai

ye ḳhū hai tumhārī to kyūñ-kar banegī

udhar bantī hai to idhar TūTtī hai

na ham par hañso haal hotā hai ye hī

musībat jo insān par TūTtī hai

samajhtā huuñ kuchh maiñ bhī bāteñ tumhārī

ye har ta.an kyā ġhair par TūTtī hai

ḳhudā ke liye phir to aisā na kahnā

mirī aas ai nāma-bar TūTtī hai

yahāñ jis ke be-dekhe jī TūTtā hai

vahāñ us kī har-dam nazar TūTtī hai

ġhazab hāthā-pā.ī kā hai lutf hotā

koī un kī chūḌī agar TūTtī hai

adū kā bhī to ghar hai ai charḳh zālim

jo aafat hai mere hī ghar TūTtī hai

tirī baat kā kyā hai unvān qāsid

tavaqqo.a hamārī magar TūTtī hai

ye ġham hai to ronā bhī apnā yahī hai

ye ronā hai to chashm-e-tar TūTtī hai

ye kahnā 'nizām' ab to sone de mujh ko

koī baiThe kab tak kamar TūTtī hai

meri sans ab chaara-gar TuTti hai

kahin juDti hai phir kahin TuTti hai

ye KHu hai tumhaari to kyun-kar banegi

udhar banti hai to idhar TuTti hai

na hum par hanso haal hota hai ye hi

musibat jo insan par TuTti hai

samajhta hun kuchh main bhi baaten tumhaari

ye har tan kya ghair par TuTti hai

KHuda ke liye phir to aisa na kahna

meri aas ai nama-bar TuTti hai

yahan jis ke be-dekhe ji TuTta hai

wahan us ki har-dam nazar TuTti hai

ghazab hatha-pai ka hai lutf hota

koi un ki chuDi agar TuTti hai

adu ka bhi to ghar hai ai charKH zalim

jo aafat hai mere hi ghar TuTti hai

teri baat ka kya hai unwan qasid

tawaqqoa hamari magar TuTti hai

ye gham hai to rona bhi apna yahi hai

ye rona hai to chashm-e-tar TuTti hai

ye kahna 'nizam' ab to sone de mujh ko

koi baiThe kab tak kamar TuTti hai