meri subh-e-gham bala se kabhi sham tak na pahunche

Kaleem Aajiz

meri subh-e-gham bala se kabhi sham tak na pahunche

Kaleem Aajiz

MORE BYKaleem Aajiz

    mirī sub.h-e-ġham balā se kabhī shaam tak na pahuñche

    mujhe Dar ye hai burā.ī tire naam tak na pahuñche

    mire paas kyā vo aate mirā dard kyā miTāte

    mirā haal dekhne ko lab-e-bām tak na pahuñche

    ho kisī mujh pe ehsāñ ye nahīñ pasand mujh ko

    tirī sub.h tajallī mirī shaam tak na pahuñche

    tirī be-ruḳhī pe zālim mirā ye chāhtā hai

    ki vafā mere lab par kabhī naam tak na pahuñche

    maiñ fuġhān-e-be-asar kabhī mo'tarif nahīñ huuñ

    vo sadā kyā jo un ke dar-o-bām tak na pahuñche

    vo sanam bigaḌ ke mujh se mirā kyā bigāḌ legā

    kabhī raaz khol duuñ maiñ to salām tak na pahuñche

    mujhe lazzat-e-asīrī sabaq paḌhā rahe haiñ

    jo nikal ke āshiyāñ se kabhī daam tak na pahuñche

    unheñ mehrbāñ samajh leñ mujhe kyā ġharaz paḌī hai

    vo karam haath kyā jo avaam tak na pahuñche

    hue faiz-e-mai-kada se sabhī faizyāb lekin

    jo ġharīb tishna-lab the vahī jaam tak na pahuñche

    jise maiñ ne jagmagāyā usī anjuman meñ saaqī

    mirā zikr tak na aa.e mirā naam tak na pahuñche

    tumheñ yaad na aa.uuñ ye hai aur baat varna

    maiñ nahīñ huuñ duur itnā ki salām tak na pahuñche

    meri subh-e-gham bala se kabhi sham tak na pahunche

    mujhe Dar ye hai burai tere nam tak na pahunche

    mere pas kya wo aate mera dard kya miTate

    mera haal dekhne ko lab-e-baam tak na pahunche

    ho kisi ka mujh pe ehsan ye nahin pasand mujh ko

    teri subh ki tajalli meri sham tak na pahunche

    teri be-ruKHi pe zalim mera ji ye chahta hai

    ki wafa ka mere lab par kabhi nam tak na pahunche

    main fughan-e-be-asar ka kabhi mo'tarif nahin hun

    wo sada hi kya jo un ke dar-o-baam tak na pahunche

    wo sanam bigaD ke mujh se mera kya bigaD lega

    kabhi raaz khol dun main to salam tak na pahunche

    mujhe lazzat-e-asiri ka sabaq paDha rahe hain

    jo nikal ke aashiyan se kabhi dam tak na pahunche

    unhen mehrban samajh len mujhe kya gharaz paDi hai

    wo karam ka hath hi kya jo awam tak na pahunche

    hue faiz-e-mai-kada se sabhi faizyab lekin

    jo gharib tishna-lab the wahi jam tak na pahunche

    jise main ne jagmagaya usi anjuman mein saqi

    mera zikr tak na aae mera nam tak na pahunche

    tumhein yaad hi na aaun ye hai aur baat warna

    main nahin hun dur itna ki salam tak na pahunche

    Source :
    • Book : Jab Fasl-e-baharn aai thi (Pg. 154)
    • Author : padm Shri Dr. Kaleem Ahmed Aajiz
    • Publication : Sunrise Plastic Works, Patna (1990)
    • Edition : 1990
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY