meri taraf se ye be-KHayali na jaane un ko KHayal kya hai

Jaleel Manikpuri

meri taraf se ye be-KHayali na jaane un ko KHayal kya hai

Jaleel Manikpuri

MORE BY Jaleel Manikpuri

    mirī taraf se ye be-ḳhayālī na jaane un ko ḳhayāl kyā hai

    kabhī na pūchhā malāl kyā hai kabhī na dekhā ki haal kyā hai

    mubārak aġhyār se ta.alluq na.ī hai chāhat nayā ta.ashshuq

    balā se ham ho ga.e tasadduq tumheñ ab is malāl kyā hai

    tujhī ko jaanā tujhī ko maanā tujhī pa jaan ġhā.ebāna

    chhupā nahīñ kuchh mirā fasāna ye ab javāb-o-savāl kyā hai

    visāl ho rahe jaddā.ī tumhārī ai jaan jaisī marzī

    jo apnī hālat thī maiñ ne kah ab aage merī majāl kyā hai

    nazar uThā.eñ jo aarsī se to un se pūchhūñ ye maiñ hañsī se

    lagā.ī hai aañkh kyā kisī se kaho to ye dekh-bhāl kyā hai

    dar-e-mohabbat ik gadā huuñ parī tālib na huur huuñ

    tujhī ko tujh se maiñ chāhtā huuñ bas aur merā savāl kyā hai

    kahāñ tak ai vā.izo ye jhagḌe maze uThāne do be-ḳhudī ke

    jo hosh meñ huuñ to maiñ ye samjhūñ harām kyā hai halāl kyā hai

    bas ab mohabbat se haath uThāo bhale ko kahte haiñ maan jaao

    na aap ko is tarah miTāo 'jalīl' dekho to haal kyā hai

    meri taraf se ye be-KHayali na jaane un ko KHayal kya hai

    kabhi na puchha malal kya hai kabhi na dekha ki haal kya hai

    mubarak aghyar se talluq nai hai chahat naya tashshuq

    bala se hum ho gae tasadduq tumhein ab is ka malal kya hai

    tujhi ko jaana tujhi ko mana tujhi pa di jaan ghaebana

    chhupa nahin kuchh mera fasana ye ab jawab-o-sawal kya hai

    visal ho ya rahe jaddai tumhaari ai jaan jaisi marzi

    jo apni haalat thi main ne kah di ab aage meri majal kya hai

    nazar uThaen jo aarsi se to un se puchhun ye main hansi se

    lagai hai aankh kya kisi se kaho to ye dekh-bhaal kya hai

    dar-e-mohabbat ka ek gada hun pari ka talib na hur ka hun

    tujhi ko tujh se main chahta hun bas aur mera sawal kya hai

    kahan tak ai waizo ye jhagDe maze uThane do be-KHudi ke

    jo hosh mein hun to main ye samjhun haram kya hai halal kya hai

    bas ab mohabbat se hath uThao bhale ko kahte hain man jao

    na aap ko is tarah miTao 'jalil' dekho to haal kya hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites