meri zaban se meri dastan suno to sahi

mirī zabāñ se mirī dāstāñ suno to sahī

yaqīñ karo na karo mehrbāñ suno to sahī

chalo ye maan liyā mujrim-e-mohabbat haiñ

hamāre jurm kā ham se bayāñ suno to sahī

banoge dost mire tum bhī dushmano ik din

mirī hayāt kī āh-o-fuġhāñ suno to sahī

laboñ ko sī ke jo baiThe haiñ bazm-e-duniyā meñ

kabhī to un kī bhī ḳhāmoshiyāñ suno to sahī

meri zaban se meri dastan suno to sahi

yaqin karo na karo mehrban suno to sahi

chalo ye man liya mujrim-e-mohabbat hain

hamare jurm ka hum se bayan suno to sahi

banoge dost mere tum bhi dushmano ek din

meri hayat ki aah-o-fughan suno to sahi

labon ko si ke jo baiThe hain bazm-e-duniya mein

kabhi to un ki bhi KHamoshiyan suno to sahi