meri zindagi ki kitab ka hai waraq waraq yun saja hua

mirī zindagī kī kitāb kā hai varaq varaq yuuñ sajā huā

sar-e-ibtidā sar-e-intihā tirā naam dil pe likhā huā

ye chamak-damak to fareb hai mujhe dekh gahrī nigāh se

hai libās merā sajā huā mirā dil magar hai bujhā huā

mirī aañkh terī talāsh meñ yuuñ bhaTaktī rahtī hai rāt-din

jaise jañgaloñ meñ hiran koī ho shikāriyoñ meñ ghirā huā

tirī dūriyāñ tirī qurbateñ tirā lams terī rifāqateñ

mujhe ab bhī vaj.h-e-sukūñ to hai tū hai duur mujh se to kyā huā

ye gile kī baat to hai magar mujhe us se koī gila nahīñ

jo ujaḌ gayā mirā ghar to kyā hai tumhārā ghar to bachā havā

tire āñsuoñ se likhā huā mire āñsuoñ se miTā huā

maiñ 'nasīm' ḳhat ko paḌhūñ bhī kyā ki hisār-e-āb hī aab hai

tire āñsuoñ se likhā huā mire āñsuoñ se miTā huā

meri zindagi ki kitab ka hai waraq waraq yun saja hua

sar-e-ibtida sar-e-intiha tera nam dil pe likha hua

ye chamak-damak to fareb hai mujhe dekh gahri nigah se

hai libas mera saja hua mera dil magar hai bujha hua

meri aankh teri talash mein yun bhaTakti rahti hai raat-din

jaise jangalon mein hiran koi ho shikariyon mein ghira hua

teri duriyan teri qurbaten tera lams teri rifaqaten

mujhe ab bhi wajh-e-sukun to hai tu hai dur mujh se to kya hua

ye gile ki baat to hai magar mujhe us se koi gila nahin

jo ujaD gaya mera ghar to kya hai tumhaara ghar to bacha hawa

tere aansuon se likha hua mere aansuon se miTa hua

main 'nasim' KHat ko paDhun bhi kya ki hisar-e-ab hi aab hai

tere aansuon se likha hua mere aansuon se miTa hua