meri zindagi kisi moD par kabhi aansuon se wafa na de
mirī zindagī kisī moḌ par kabhī āñsuoñ se vafā na de
tirī aañkh kī ye ghaTā kahīñ yuuñ baras ke mujh ko rulā na de
vahī chhāñv niim ke peḌ kī vahī shaam de ye fazā na de
ga.e mausamoñ kā asiir huuñ na.e mausamoñ kī sazā na de
mire nāḳhudā tirā shukriya koī aur mujh pe karam na kar
tirī maslahat kī havā kahīñ mirā bādbān uḌā na de
mire ḳhat ko le ke ḳhushī se vo ka.ī baar chūmegī tū magar
mujhe Dar hai bhīgā vo lafz ik mire ġham kā qissa sunā na de
vahī jis ke pyaar kī aag ne mire ḳhadd-o-ḳhāl jhulas diye
mujhe Dar hai ab mujhe dekh ke vo nazar se apnī girā na de
tirī shoḳh āñkhoñ meñ bārhā ka.ī ḳhvāb dekhe haiñ pyaar ke
tirā pyaar merā nasīb hai kisī aur ko ye vafā na de
meri zindagi kisi moD par kabhi aansuon se wafa na de
teri aankh ki ye ghaTa kahin yun baras ke mujh ko rula na de
wahi chhanw nim ke peD ki wahi sham de ye faza na de
gae mausamon ka asir hun nae mausamon ki saza na de
mere naKHuda tera shukriya koi aur mujh pe karam na kar
teri maslahat ki hawa kahin mera baadban uDa na de
mere KHat ko le ke KHushi se wo kai bar chumegi tu magar
mujhe Dar hai bhiga wo lafz ek mere gham ka qissa suna na de
wahi jis ke pyar ki aag ne mere KHadd-o-KHal jhulas diye
mujhe Dar hai ab mujhe dekh ke wo nazar se apni gira na de
teri shoKH aankhon mein barha kai KHwab dekhe hain pyar ke
tera pyar mera nasib hai kisi aur ko ye wafa na de
- Book : Pehchan (Pg. 79)
- Author : Ateeq Anzar
- Publication : Nai Awaz Jamia Nagar New Delhi (1994)
- Edition : 1994
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
