misal-e-KHak kahin par bikhar ke dekhte hain
misāl-e-ḳhāk kahīñ par bikhar ke dekhte haiñ
qarār mar ke milegā to mar ke dekhte haiñ
sunā hai ḳhvāb mukammal kabhī nahīñ hote
sunā hai ishq ḳhatā hai so kar ke dekhte haiñ
kisī kī aañkh meñ Dhal jaatā hai hamārā aks
jab ā.īne meñ kabhī ban sañvar ke dekhte haiñ
hamāre ishq kī mīrās hai bas ek hī ḳhvāb
to aao ham use tābīr kar ke dekhte haiñ
sivā.e ḳhaak ke kuchh bhī nazar nahīñ aatā
zamīñ pe jab bhī sitāre utar ke dekhte haiñ
ye hukm hai ki zamīn-e-'farāz' meñ likkheñ
so is zamīn meñ ham paañv dhar ke dekhte haiñ
misal-e-KHak kahin par bikhar ke dekhte hain
qarar mar ke milega to mar ke dekhte hain
suna hai KHwab mukammal kabhi nahin hote
suna hai ishq KHata hai so kar ke dekhte hain
kisi ki aankh mein Dhal jata hai hamara aks
jab aaine mein kabhi ban sanwar ke dekhte hain
hamare ishq ki miras hai bas ek hi KHwab
to aao hum use tabir kar ke dekhte hain
siwae KHak ke kuchh bhi nazar nahin aata
zamin pe jab bhi sitare utar ke dekhte hain
ye hukm hai ki zamin-e-'faraaz' mein likkhen
so is zamin mein hum panw dhar ke dekhte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
