misl-e-ruKHsar-e-sanam rang-e-hina
misl-e-ruḳhsār-e-sanam rang-e-hinā
haath meñ turfa-sitam rang-e-hinā
ḳhuun ke aañsū rulā.e zindagī
surḳh mausam dard-o-ġham rang-e-hinā
pattharoñ ke biich pis jaanā paḌe
jab kahīñ paa.e sanam rang-e-hinā
barf se hāthoñ meñ khiltā hai bahut
aap ke sar kī qasam rang-e-hinā
abr ke āñchal meñ māh-e-nau khulā
hai terā lutf-o-karam rang-e-hinā
jaan par merī sitam Dhaa.e 'vaqār'
bhīgā mausam aañkh nam rang-e-hinā
misl-e-ruKHsar-e-sanam rang-e-hina
hath mein turfa-sitam rang-e-hina
KHun ke aansu rulae zindagi
surKH mausam dard-o-gham rang-e-hina
pattharon ke bich pis jaana paDe
jab kahin pae sanam rang-e-hina
barf se hathon mein khilta hai bahut
aap ke sar ki qasam rang-e-hina
abr ke aanchal mein mah-e-nau khula
hai tera lutf-o-karam rang-e-hina
jaan par meri sitam Dhae 'waqar'
bhiga mausam aankh nam rang-e-hina
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
