misl-e-sarmad talib-e-haq-bin agar sar-dad dad

misl-e-sarmad tālib-e-haq-bīñ agar sar-dād daad

dekh le mansūr ne jī daar par ustād daad

ishq hai ai dil kaThin kuchh ḳhāna-e-ḳhāla nahīñ

rakh dilerāna qadam tā tujh ko ho imdād daad

ho nahīñ saktī hai jis kī gosh-zad fariyād daad

jis ne ābādāñ mere dil kā nagar barbād daad

rashk-e-duniyā hai kisī ne kyuuñ barā.e chand roz

zindagī apne ta.iiñ afsos yā mī.ād daad

kis se ho saktā hai jo is ne kiyā aalam ke saath

sūrat-e-ḳhākī meñ kaisā kuchh dam-e-ījād daad

ḳhurram-o-ḳhursand ik aalam hai par hairāñ huuñ maiñ

kyuuñ mujhe ḳhātir hazīñ ho.e dil-e-nāshād daad

'āfrīdī' us shikār-andāz se kyūñkar baje

daam meñ jis ke hai sab ḳhilqat azaañ sayyād daad

misl-e-sarmad talib-e-haq-bin agar sar-dad dad

dekh le mansur ne ji dar par ustad dad

ishq hai ai dil kaThin kuchh KHana-e-KHala nahin

rakh dilerana qadam ta tujh ko ho imdad dad

ho nahin sakti hai jis ki gosh-zad fariyaad dad

jis ne aabaadan mere dil ka nagar barbaad dad

rashk-e-duniya hai kisi ne kyun barae chand roz

zindagi apne tain afsos ya miad dad

kis se ho sakta hai jo is ne kiya aalam ke sath

surat-e-KHaki mein kaisa kuchh dam-e-ijad dad

KHurram-o-KHursand ek aalam hai par hairan hun main

kyun mujhe KHatir hazin hoe dil-e-nashad dad

'afridi' us shikar-andaz se kyunkar baje

dam mein jis ke hai sab KHilqat azan sayyaad dad