miyan chashm-e-jadu pe itna ghamanD

miyāñ chashm-e-jādū pe itnā ghamanD

ḳhat-o-ḳhāl-o-gesū pe itnā ghamanD

ajī sar uThā kar idhar dekhnā

isī chashm-o-abrū pe itnā ghamanD

nasīm-e-gul us zulf meñ ho to aa

na kar apnī ḳhushbū pa itnā ghamanD

shab-e-mah meñ kahtā hai vo maah se

rakābī se is rū pe itnā ghamanD

bas ai sham.a kar fikr apnī zarā

inhī chaar aañsū pe itnā ghamanD

akaḌtā hai kyā dekh dekh aa.ina

hasīñ garche hai tū pe itnā ghamanD

vo kar panja 'inshā' se bole ki vaah

isī zor-e-bāzū pe itnā ghamanD

miyan chashm-e-jadu pe itna ghamanD

KHat-o-KHal-o-gesu pe itna ghamanD

aji sar uTha kar idhar dekhna

isi chashm-o-abru pe itna ghamanD

nasim-e-gul us zulf mein ho to aa

na kar apni KHushbu pa itna ghamanD

shab-e-mah mein kahta hai wo mah se

rakabi se is ru pe itna ghamanD

bas ai shama kar fikr apni zara

inhi chaar aansu pe itna ghamanD

akaDta hai kya dekh dekh aaina

hasin garche hai tu pe itna ghamanD

wo kar panja 'insha' se bole ki wah

isi zor-e-bazu pe itna ghamanD