miyan-e-sharr-o-sar-e-KHair baukhalaya hua

miyān-e-sharr-o-sar-e-ḳhair baukhalāyā huā

shikār-e-kashmakash-e-'aql Dagmagāyā huā

varā-e-tūr kisī haul-nāk ghāTī meñ

tamām ḳhāna-ba-doshoñ se ḳhaar khāyā huā

dar-e-shafaq pe nasīb aazmā ke dekhegā

ye shab-gazīda gahe sub.h ka satāyā huā

ye surḳh surḳh to bas pesh-ḳhema-e-kun hai

siyah libās meñ uTThegā ḳhuuñ bahāyā huā

dil-e-ġharīb tavahhush se jaa.e to kis jā

hai saarā dasht-o-bayābān āzmāyā huā

bayā bayā ki darīñ-hālat-e-'ajab hāzir

junūn-e-'ishq masāfat meñ hosh uḌāyā huā

miyan-e-sharr-o-sar-e-KHair baukhalaya hua

shikar-e-kashmakash-e-'aql Dagmagaya hua

wara-e-tur kisi haul-nak ghaTi mein

tamam KHana-ba-doshon se KHar khaya hua

dar-e-shafaq pe nasib aazma ke dekhega

ye shab-gazida gahe subh ka sataya hua

ye surKH surKH to bas pesh-KHema-e-kun hai

siyah libas mein uTThega KHun bahaya hua

dil-e-gharib tawahhush se jae to kis ja

hai sara dasht-o-bayaban aazmaya hua

baya baya ki darin-haalat-e-'ajab hazir

junun-e-'ishq masafat mein hosh uDaya hua