mizaj-e-sher ko har daur mein raha mahbub
mizāj-e-sher ko har daur meñ rahā mahbūb
khanaktā lahja sulagtā huā nayā uslūb
talāsh aur tajassus ke bāvajūd hameñ
vo chiiz mil na sakī jo hai vaqt ko matlūb
koī bhī aañkh vahāñ tak pahuñch nahīñ saktī
chhupā ke rakkhe haiñ tū ne jahāñ mire maktūb
abhī to aas ke āñgan meñ kuchh ujālā hai
salone chāñd judā.ī ke bādaloñ meñ na Duub
jo log kahte rahe haiñ ḳhudā mohabbat hai
ḳhud un ke hāthoñ hī ma.asūmiyat huī maslūb
'qulī'-qutub nahīñ 'zāhid'-kamāl huuñ ai dost
maiñ tere naam se kis shahr ko karūñ mansūb
mizaj-e-sher ko har daur mein raha mahbub
khanakta lahja sulagta hua naya uslub
talash aur tajassus ke bawajud hamein
wo chiz mil na saki jo hai waqt ko matlub
koi bhi aankh wahan tak pahunch nahin sakti
chhupa ke rakkhe hain tu ne jahan mere maktub
abhi to aas ke aangan mein kuchh ujala hai
salone chand judai ke baadalon mein na Dub
jo log kahte rahe hain KHuda mohabbat hai
KHud un ke hathon hi masumiyat hui maslub
'quli'-qutub nahin 'zahid'-kamal hun ai dost
main tere nam se kis shahr ko karun mansub
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
