moajiza wo jo masiha ka dikhate jate

mo.ajiza vo jo masīhā kā dikhāte jaate

kah ke qum qabr se murde ko jilāte jaate

marte dam bāġh-e-madīna kā nazārā karte

dekh lete chaman-e-ḳhuld ko jaate jaate

dekh kar nūr-e-tajallī ko tire dīvāne

dhajjiyāñ dāman-e-mahshar kī uḌāte jaate

ban ke parvāna mirī ruuh nikaltī tan se

lau jo is sham.a-e-tajallī se lagāte jaate

ik nazar dekhte hī rū-e-mohammad kī ziyā

ġhash pe ġhash hazrat-e-yūsuf ko haiñ aate jaate

hai vo sahrā-e-junūñ aap ke dīvānoñ kā

hazrat-e-ḳhizr jahāñ Thokareñ khāte jaate

aisā mahbūb huā kaun ki ummat ke liye

rūThte aap to allāh manāte jaate

tuur pe hazrat-e-mūsā na kabhī jal-bujhte

aap āñkhoñ meñ jo surma na lagāte jaate

saf-e-mehshar meñ ilāhī ba-huzūr-e-sarvar

na.at paḌh paḌh ke ye shohrat kī manāte jaate

moajiza wo jo masiha ka dikhate jate

kah ke qum qabr se murde ko jilate jate

marte dam bagh-e-madina ka nazara karte

dekh lete chaman-e-KHuld ko jate jate

dekh kar nur-e-tajalli ko tere diwane

dhajjiyan daman-e-mahshar ki uDate jate

ban ke parwana meri ruh nikalti tan se

lau jo is shama-e-tajalli se lagate jate

ek nazar dekhte hi ru-e-mohammad ki ziya

ghash pe ghash hazrat-e-yusuf ko hain aate jate

hai wo sahra-e-junun aap ke diwanon ka

hazrat-e-KHizr jahan Thokaren khate jate

aisa mahbub hua kaun ki ummat ke liye

ruThte aap to allah manate jate

tur pe hazrat-e-musa na kabhi jal-bujhte

aap aankhon mein jo surma na lagate jate

saf-e-mehshar mein ilahi ba-huzur-e-sarwar

nat paDh paDh ke ye shohrat ki manate jate