mohabbat ka asar jata kahan hai
mohabbat kā asar jaatā kahāñ hai
hamārā dard-e-sar jaatā kahāñ hai
dil-e-betāb siine se nikal kar
chalā hai tū kidhar jaatā kahāñ hai
adam kahte haiñ us kūche ko ai dil
idhar aa be-ḳhabar jaatā kahāñ hai
kahūñ kis muñh se maiñ tere dahan hai
jo hotā to kidhar jaatā kahāñ hai
tire jaate hī mar jā.ūñgā zālim
mujhe tū chhoḌ kar jaatā kahāñ hai
hamāre haath se dāman bachā kar
are bedād-gar jaatā kahāñ hai
tirī chorī hī sab merī nazar meñ
churā kar tū nazar jaatā kahāñ hai
agarche pā-shikasta ham haiñ ai 'dāġh'
magar qasd-e-safar jaatā kahāñ hai
mohabbat ka asar jata kahan hai
hamara dard-e-sar jata kahan hai
dil-e-betab sine se nikal kar
chala hai tu kidhar jata kahan hai
adam kahte hain us kuche ko ai dil
idhar aa be-KHabar jata kahan hai
kahun kis munh se main tere dahan hai
jo hota to kidhar jata kahan hai
tere jate hi mar jaunga zalim
mujhe tu chhoD kar jata kahan hai
hamare hath se daman bacha kar
are bedad-gar jata kahan hai
teri chori hi sab meri nazar mein
chura kar tu nazar jata kahan hai
agarche pa-shikasta hum hain ai 'dagh'
magar qasd-e-safar jata kahan hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
