mohabbat ka dikhawa kar raha hai
mohabbat kā dikhāvā kar rahā hai
vo mere saath dhokā kar rahā hai
samā.at ne azaañ jab se sunī hai
mirā īmān sajda kar rahā hai
jise masnad kī chāhat ho ga.ī hai
vahī lāshoñ kā dhandā kar rahā hai
ibādat ilm kī āġhosh meñ hai
koī qatre ko dariyā kar rahā hai
koī masrūf hai shukr-e-ḳhudā meñ
koī din-rāt shikva kar rahā hai
jahāñ meñ kis liye bhejā gayā thā
magar 'mashkūr' kyā kyā kar rahā hai
mohabbat ka dikhawa kar raha hai
wo mere sath dhoka kar raha hai
samaat ne azan jab se suni hai
mera iman sajda kar raha hai
jise masnad ki chahat ho gai hai
wahi lashon ka dhanda kar raha hai
ibaadat ilm ki aaghosh mein hai
koi qatre ko dariya kar raha hai
koi masruf hai shukr-e-KHuda mein
koi din-raat shikwa kar raha hai
jahan mein kis liye bheja gaya tha
magar 'mashkur' kya kya kar raha hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
