mohabbat ke fasane se na main waqif na tu waqif

mohabbat ke fasāne se na maiñ vāqif na tū vāqif

sitamgar is zamāne se na maiñ vāqif na tū vāqif

batā phir kaise hogī ḳhatm ye nafrat kī tārīkī

na.e sūraj ugāne se na maiñ vāqif na tū vāqif

lage kaise patā hai kaun apnā kaun begāna

kisī ko āzmāne se na maiñ vāqif na tū vāqif

batā phir kis ne bhaḌkā.ī chaman meñ aag nafrat kī

kisī kā ghar jalāne se na maiñ vāqif na tū vāqif

kahāñ vo naġhmagī miltī hai ab sehn-e-gulistāñ meñ

koī naġhma sunāne se na maiñ vāqif na tū vāqif

janam de nafrateñ ko aur ta.assub ko jo phailā.e

sabaq aisā paḌhāne se na maiñ vāqif na tū vāqif

nahīñ hai kaam koī bhī siyāsat meñ mirā terā

kisī par zulm Dhāne se na maiñ vāqif na tū vāqif

'qamar' haq kaun phir chhīne milā kar aañkh bātil se

nazar us se milāne se na maiñ vāqif na tū vāqif

mohabbat ke fasane se na main waqif na tu waqif

sitamgar is zamane se na main waqif na tu waqif

bata phir kaise hogi KHatm ye nafrat ki tariki

nae suraj ugane se na main waqif na tu waqif

lage kaise pata hai kaun apna kaun begana

kisi ko aazmane se na main waqif na tu waqif

bata phir kis ne bhaDkai chaman mein aag nafrat ki

kisi ka ghar jalane se na main waqif na tu waqif

kahan wo naghmagi milti hai ab sehn-e-gulistan mein

koi naghma sunane se na main waqif na tu waqif

janam de nafraten ko aur tassub ko jo phailae

sabaq aisa paDhane se na main waqif na tu waqif

nahin hai kaam koi bhi siyasat mein mera tera

kisi par zulm Dhane se na main waqif na tu waqif

'qamar' haq kaun phir chhine mila kar aankh baatil se

nazar us se milane se na main waqif na tu waqif