mohabbat ke siwa harf-o-bayan se kuchh nahin hota
mohabbat ke sivā harf-o-bayāñ se kuchh nahīñ hotā
havā sākin rahe to bādbāñ se kuchh nahīñ hotā
chalūñ to maslahat ye kah ke paañv thaam letī hai
vahāñ jaanā bhī kyā hāsil jahāñ se kuchh nahīñ hotā
zarūrat-mañd hai sai-afgānī mashshāq hāthoñ kī
faqat yakjā.ī-e-tīr-o-kamāñ se kuchh nahīñ hotā
musalsal bārisheñ bhī sabza-o-gul lā nahīñ saktīñ
zamīñ jab be-numū ho āsmāñ se kuchh nahīñ hotā
talāfī ke liye darkār hai ā.īna-sāzī bhī
shikast-e-shīsha par zikr-e-zabāñ se kuchh nahīñ hotā
ḳhalā meñ tīr-andāzī se kyā 'gulzār' pāoge
mayassar is junūn-e-rā.egāñ se kuchh nahīñ hotā
mohabbat ke siwa harf-o-bayan se kuchh nahin hota
hawa sakin rahe to baadban se kuchh nahin hota
chalun to maslahat ye kah ke panw tham leti hai
wahan jaana bhi kya hasil jahan se kuchh nahin hota
zarurat-mand hai sai-afgani mashshaq hathon ki
faqat yakjai-e-tir-o-kaman se kuchh nahin hota
musalsal barishen bhi sabza-o-gul la nahin saktin
zamin jab be-numu ho aasman se kuchh nahin hota
talafi ke liye darkar hai aaina-sazi bhi
shikast-e-shisha par zikr-e-zaban se kuchh nahin hota
KHala mein tir-andazi se kya 'gulzar' paoge
mayassar is junun-e-raegan se kuchh nahin hota
- Book : Funoon (Monthly) (Pg. 373)
- Author : Ahmad Nadeem Qasmi
- Publication : 4 Maklood Road, Lahore (Edition Nov. Dec. 1985,Issue No. 23)
- Edition : Edition Nov. Dec. 1985,Issue No. 23
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
