mohabbat ma-siwa ki jis ne ki gori kaloTi ki

mohabbat mā-sivā kī jis ne kī gorī kaloTī kī

yaqīñ kiijo ki kāfir ho ke apnī raah khoTī kī

mohabbat mā-sivā allāh kī har kufr se bad-tar

faqīroñ ne qanā.at tab to barsīlī lañgoTī kī

qanā.at kā ḳhazīna gar kisī ke haath lag jaave

nahīñ parvāh rakhtā hai kisī sarrāf soTī kī

dil-e-qāne ke ta.iiñ nān-e-javīñ ḳhush-tar ze-tar-halva

nahīñ ho ehtiyāj us ko pulāv gosht roTī kī

jigar khāne meñ apne fā.eda az-bas, tū kyā jaane

vo jaane chāshnī chakkhī ho jis ne dil kī boTī kī

tan-e-lāġhar ba-rāh-e-ishq behtar hai bachā lā ke

kiyā muzġhe ne kyā hāsil agarche shakl moTī kī

ab is duniyā meñ duniyā chhoḌ kar rahnā hī behtar hai

kahānī thī baḌī lek 'āfrīdī' ne to chhoTī kī

mohabbat ma-siwa ki jis ne ki gori kaloTi ki

yaqin kijo ki kafir ho ke apni rah khoTi ki

mohabbat ma-siwa allah ki har kufr se bad-tar

faqiron ne qanaat tab to barsili langoTi ki

qanaat ka KHazina gar kisi ke hath lag jawe

nahin parwah rakhta hai kisi sarraf soTi ki

dil-e-qane ke tain nan-e-jawin KHush-tar ze-tar-halwa

nahin ho ehtiyaj us ko pulaw gosht roTi ki

jigar khane mein apne faeda az-bas, tu kya jaane

wo jaane chashni chakkhi ho jis ne dil ki boTi ki

tan-e-laghar ba-rah-e-ishq behtar hai bacha la ke

kiya muzghe ne kya hasil agarche shakl moTi ki

ab is duniya mein duniya chhoD kar rahna hi behtar hai

kahani thi baDi lek 'afridi' ne to chhoTi ki